ريم .. مر من هنا

ريم .. مر من هنا

يا سعيد الوقت عايابي ### محتمل والله تعاييبه

ذوب اعضامي وشقابي ### وانصهر ذالقلب تسبيبه

لو تشوف الحال تنصابي ### ويرتعد قلبك لو تدريبه

من سبايب خل قد غابي ### وين بلقى مثله وطيبه

ياحلاته وين هو رابي ### يحلا داره وتربيبه

وين بلقى لي من امثابي ### يلف لي علمه وياتيبه

وينشرح صدري من اتعابي ### وانسى انا همي وتعذيبه

وين داره وين يا اصحابي ### ردوا لمحمد محابيبه

عن وصوله تعجز اركابي ### ساكنن في دارن اصعيبه

في وسط ليات لترابي ### لو مسير الشهر ماييبه

قد بلاني الوقت يا اعرابي ### غير ذالبلوا هيه امصيبه

ومن بلي بفرقى مينعابي ### انشدو مجرب عن اطبيبه

ليت هو من جملة اقرابي ### ولا انا بن عمه وقريبه

لهتني بحله في محرابي ### و اتلذذ في اساليبه

في وصوفه كيف يذابي ### ماخلج مثله في تربيبه

ريم يافل ذاير اهرابي ### مهرتن في قاعن اعشيبه

ماخذني نهب وسلابي ### من حسن عينه وتهذيبه

مالكني بحسن لطيابي ### ومرتعه في قلبي ابهيبه

ميهني لي غيره انسابي ### ولهتني بغيره ولا ليبه

غير هو ل منيت اطلابي ### وان حصل دنياي تزهيبه

 

الشاعر محمد سالم المزروعي

العدد الأخير

01 يونية , 2015م

مرحبا بكم في مجلاتنا

الناشر:CMM